pag ibig na laan

Ang pag ibig ko sa iyo ay tanging sa iyo lamang

Iyan ay aking pangako habambuhay mong panghawakan.

Hindi ka magsisiphayo hindi ka iiwanan

Sapagkat ang pag ibig kong ito ay sa yo lamang nakalaan.

Ang iyong pag ibig ay aking pakakaingatan

Hindi ko hahayaan na mabawasan ni konti man.

Hindi ko sasayangin hinding hindi ko pababayaan

Ganyan sa akin ang iyong pag ibig, itinuring ko nang aking yaman.

Ang ating pag ibig sa akin na ay langit

Sa anumang karangyaan ay hindi ko ipagpapalit

Lahat ng sakripisyo at lahat ng pasakit ay susuunging pilit

Huwag lang mawalay sa sintang iniibig.

Kung may suliranin ay huwag kang panghinaan,

Kung mayroong pagkakagalit ay huwag kang magdamdam

Harapin natin anuman o sinuman upang ang pag ibig ay ipaglaban

Na sa isa’t isa ay ating tapat na inilalaan.