Panalangin ng Pasasalamat sa Kaloob na Panahong Laan
O Amang Banal na Makapangyarihan
sa lahat. Ikaw na aming Dakilang Lumikha. Ikaw na sa araw-araw sa amin ay
siyang gabay. Ikaw ang nagkaloob sa amin ng lahat nang aming mga
pangangailangan.
Sa umagang ito Panginoon, hayaan
mo na ang aming pagsama-sama ay maging sentro ng papuri at pasasalamat sa
kaloob mong panahong laan sa amin.
Panginoon, maraming salamat sa
nakaraan na bumuo ng mga istraktura’t kagamitan na nagpapagaan ng aming mga
gawain sa kasalukuyan. Na tumitik ng mga aklat na ang bawat sanaysay ay
mahahalagang batong-hiyas na bumubukas ng aming isipan at nagpapaunlad ng aming
mga pananaw at kaalaman. Na humubog ng mga taong dakila na nagbibigay sa amin
ng tatag nang pananalig, sigla ng kalooban at angkop na inspirasyon sa wastong
pamumuhay.
Maraming salamat Panginoon sa
kasalukuyan. Sapagkat, naihuhubog namin ang aming mga sarili sa tama. Napununan
ang aming mga kakulangan ng nakaraan. Naitatama ang mga mali ng lumipas. At
lumilikha kami ng mga bakas na magiging gabay ng kinabukasan.
Lalong higit Panginoon ay
pinasasalamatan naming ang hinaharap. Sapagkat Ito ay tanda na may bagong
pag-asa… Upang maituwid pa ang aming mga kamalian. Malabanan pa ang aming mga
kahinaan. At punan pa ang aming mga pagkukulang sa iyo at sa aming kapwa.
O Panginoon, kulang ang aming
mga salita at lalong hindi sapat ang aming mga gawa kung ihahambing sa iyong
walang hanggang awa.
Tangggapin mo nawa ang aming
handog na pasasalamat sa iyo sa pangalan ni Hesus na aming Panginoon. Amen
No comments:
Post a Comment