Panalangin sa Patuloy na Pagiging Bukas
O aming Diyos, Amang
Kataas-taasan, muli kami ay nangagtipon ngayon upang ikaw ay purihin at
pasalamatan. Maraming salamat panginoon sa iyong walang hanggang awa at
pagkalingang patuloy na ibinibigay sa amin.
Sa aming kahinaan, ikaw ang
nagbibigay sa amin ng lakas;
Sa aming kalungkutan, ikaw ang
musikang aliw sa aming pandinig;
Sa aming pag-iisa, ikaw ay
laging nariyan upang kami ay damayan;
Sa aming kabiguan, kamay mo ang
sa amin ay laging nakaalalay.
O aming Diyos, hinihiling namin
na patuloy mong buksan ang aming isipan upang patuloy na maging mabuti ang
aming mga desisyon;
Patuloy mong bukasan ang aming
mga puso upang pag-ibig ang lagi naming maibahagi sa iba;
Patuloy mong buksan ang aming mga
kamay upang aming magamit sa patuloy na pagtulong sa iba;
Patuloy mong ituro sa amin ang
mabuting daan upang sa aming paglalakbay ay maging abang naglilingkod sa iyo.
Ito ang aming papuri, ito ang
aming pasasalamat, ito ang aming panalangin sa pangalan ni Hesus na aming
Panginoon, Amen.
No comments:
Post a Comment